خلیج اردو
لاہور: معروف پاکستانی گلوکارہ آئمہ بیگ نے فیشن برانڈ کے مالک زین احمد کے ساتھ شادی کر لی۔ اس خوشخبری کا اعلان انہوں نے انسٹاگرام پر تصاویر شیئر کرتے ہوئے کیا، جس میں وہ خوشگوار موڈ میں اپنے شوہر کے ساتھ دکھائی دے رہی ہیں۔
آئمہ بیگ نے اپنی پوسٹ میں لکھا: "الحمدللہ، میں نے گزشتہ رات اپنے بہترین دوست سے شادی کر لی۔ اب بھی یہ سب خواب جیسا محسوس ہو رہا ہے کہ واقعی ایسا ہو گیا۔”
شادی کی تقریب سادگی سے منعقد کی گئی، جس میں قریبی رشتہ داروں اور دوستوں نے شرکت کی۔ سوشل میڈیا پر اس خبر کو شائقین اور شوبز شخصیات کی جانب سے خوب سراہا جا رہا ہے، اور جوڑے کے لیے نیک تمناؤں کا اظہار بھی کیا جا رہا ہے۔
