سعودی عرب نے پاکستان کو بڑا ریلیف دے دیا

خلیج اردو: سعودی عرب نے پاکستان کیلئے 3ارب ڈالر سیف ڈیپازٹ کی مدت میں توسیع کا فیصلہ کرلیا۔

تفصیلات کے مطابق سعودی عرب نے پاکستان کو بڑا ریلیف دیتے ہوئے 3 ارب ڈالر سیف ڈیپازٹ کی مدت میں توسیع کا فیصلہ کرلیا۔

ذرائع وزارت خزانہ کی جانب سے کہا گیا کہ 3 ارب ڈالر سیف ڈیپازٹ کی مدمیں توسیع مزید ایک سال کیلئے کی جائے گی۔

ذرائع نے بتایا کہ 3 ارب ڈالر کےسیف ڈیپازٹ پر 3 فیصد سود بھی ادا کیا جائے گا، پاکستان کو ڈیفالٹ کا خطرہ ہوا تو رقم فوری واپس کرنا ہوگی اور سیف ڈیپازٹ کی مدمیں رکھی گئی رقم کو استعمال بھی نہیں کیا جا سکے گا۔

سعودی عرب کی جانب سے 3ارب ڈالرسیف ڈیپازٹ مدت میں توسیع دسمبر 2023 تک کئے جانے کا امکان ہے۔

اس حوالے سے وزیر مملکت برائےخزانہ عائشہ غوث پاشا نے گفتگو کرتے ہوئے کہا کہ توسیع کا معاہدہ جلد طے پا جائے گا۔

عائشہ غوث پاشا نے بتایا کہ سعودی عرب ماہانہ 10 کروڑ ڈالر کا ادھار تیل بھی فراہم کرے گا، سعوی عرب سے 10 ماہ میں 1 ارب ڈالر کا موخر ادائیگیوں پر تیل ملے گا۔