خلیج اردو
ابوظبی نے جدید، محفوظ، مربوط اور پائیدار ٹرانسپورٹ کے نئے دور میں داخل ہوتے ہوئے خودکار گاڑیوں، منی روبو بسوں اور مصنوعی ذہانت سے لیس ٹریفک مانیٹرنگ ڈرونز کے لیے اہم عالمی و قومی شراکت داریوں کا اعلان کیا ہے۔ ڈیپارٹمنٹ آف میونسپلٹیز اینڈ ٹرانسپورٹ کے ذیلی ادارے انٹیگریٹڈ ٹرانسپورٹ سینٹر نے ابوظبی آٹونومس ویک 2025 کے دوران DRIFTx 2025 میں متعدد تعاون کے معاہدوں پر دستخط کیے، جن کا مقصد خودکار ٹرانسپورٹ سسٹمز اور ڈیجیٹل انفراسٹرکچر کی رفتار بڑھانا ہے۔
معاہدوں کے اہم نکات درج ذیل ہیں:
ٹریفک مانیٹرنگ ڈرونز کے لیے ITC اور e& نے ایک پائلٹ پروجیکٹ شروع کیا ہے جس کے تحت مصنوعی ذہانت سے لیس ڈرونز ٹریفک کی صورتحال براہ راست مانیٹر کریں گے۔ یہ ڈرونز رئیل ٹائم فوٹیج ٹریفک مینجمنٹ سینٹر تک پہنچائیں گے، جس سے رش، غلط پارکنگ اور حادثات کی شناخت میں مدد ملے گی۔
ذاتی خودکار گاڑیوں کے لیے ITC، ابوظبی انویسٹمنٹ آفس اور امریکی کمپنی ٹینسر آٹو کے درمیان معاہدہ ہوا ہے تاکہ خودکار گاڑیوں کی کمرشل آپریشن کے لیے تکنیکی و ریگولیٹری سہولیات فراہم کی جا سکیں اور قومی ماہرین کی تربیت کی جا سکے۔
منی روبو بسوں کی آزمائشی سروس کے لیے بینٹلر موبیلٹی کے ساتھ معاہدہ کیا گیا ہے جو سمارٹ بسوں کی عملی فریم ورک، ضروریات کا تجزیہ اور مستقبل میں بڑے پیمانے پر نفاذ کی تیاری کرے گا۔
الیکٹرک ایئر ٹیکسیز کے لیے جاپانی کمپنی اسکائی ڈرائیو کے ساتھ تعاون کیا گیا ہے، جس کے تحت SD-05 ای وی ٹی او ایل ایئرکرافٹ کے تکنیکی مطالعے، آزمائشی پروازوں اور اس سے متعلق بنیادی ڈھانچے جیسے ورٹی پورٹس اور سمارٹ چارجنگ کا جائزہ لیا جائے گا۔
خودکار ماس ٹرانزٹ نیٹ ورک کے لیے گلیڈ ویز کے ساتھ معاہدہ ہوا ہے جو آن ڈیمانڈ، زیرو ایمیشن اور گائیڈ ویز پر چلنے والے خودکار الیکٹرک سسٹم کا جائزہ لے گا، جس کا مقصد کم لاگت اور بہتر کنیکٹیویٹی فراہم کرنا ہے۔
خودکار میری ٹائم موبیلٹی کے لیے ابوظبی انویسٹمنٹ آفس اور بلو گلف گروپ کے اشتراک سے خودکار سمندری جہازوں کی آزمائش، فیلڈ ٹرائلز اور سسٹینیبلٹی اسٹینڈرڈز کے تحت فزیبلٹی اسٹڈیز کی جائیں گی۔
خودکار گاڑیوں کے اندر وائی فائی کی سہولت کے لیے e& کے ساتھ معاہدہ کیا گیا ہے جو 5G اور 5.5G کنیکٹیویٹی کے ساتھ اسمارٹ سٹی کے لیے تکنیکی خدمات اور تربیت بھی فراہم کرے گا۔
سائبر سیکیورٹی کے لیے ITC اور سائبر سیکیورٹی کونسل کا اشتراک خطرات کے تبادلے، مشترکہ مشقوں، ٹریننگ اور واقعات کے فوری ردعمل کو مضبوط بنائے گا تاکہ ابھرتے ہوئے ٹرانسپورٹ سسٹم کی ڈیجیٹل بنیاد محفوظ رہے۔
خودکار لاجسٹکس کے لیے UAE کی کمپنی صناح ٹیکنالوجی کے ساتھ ڈرائیور لیس ٹرکس اور کارگو ڈرونز پر پیش رفت کے لیے معاہدہ کیا گیا ہے جس میں مشترکہ ورکنگ گروپس، پروجیکٹ کی نگرانی اور اخراج میں کمی کے اہداف شامل ہیں۔
