
خلیج اردو
اسلام آباد: پاکستان میں ایوان بالا کے چیئرمین صادق سنجرانی نے مستونگ دھماکے میں زخمی ہونے والوں کی عیادت کیلئے سول اسپتال کا دورہ کیا۔ چیئرمین سینیٹ صادق سنجرانی نے سول اسپتال میں مستونگ دھماکے کے زخمیوں کی عیادت کی اور ازخمیوں کو دی جانے والی سہولیات پر اظہار اطمینان کیا۔
صادق سنجرانی کا کہنا تھا کہ دہشت گردوں کا اسلام اور انسانیت سے کوئی تعلق نہیں،عیدمیلاد النبی کے جلوس کو ٹارگٹ کرنا دہشت گردوں کی اسلام دشمنی کاواضح ثبوت ہے۔افواج پاکستان اور سکیورٹی فورسز دہشت گردوں کی جڑیں کاٹ چکی ہیں جلد مکمل نجات مل جائیگی،
چیرمین سینیٹ صادق سنجرانی نے وزیراعظم اور وزیراعلی بلوچستان سے مستونگ دھماکے کے لئے پیکج کی درخواست کرتے ہوئے کہا ہے کہ مستونگ دھماکے کے شہداء کے لئے 20 لاکھ اور زخمیوں کے لئے 10 لاکھ پیکج دیا جائے۔
صادق سنجرانی کا کہنا ہے کہ متاثرین کے دکھ میں برابر کے شریک ہیں، امن عمل کو سبوتاژ کرنے نہیں دیں گے۔ْ