
خلیج اردو آن لائن:
حکومت پاکستان کی جانب سے منگل کے روز ملک میں کورونا وائرس کی صورتحال کے پیش نظر اسکولوں اور یونیورسٹیوں کے امتحانات سمیت تمام امتحانات 15 جون تک منسوخ کرنے کا اعلان کیا گیا ہے۔
وزیر تعلیم شفقت محمود کی جانب سے ایک پریس کانفرنس کے دوران بتایا گیا ہے کہ منسوخ کیے گئے امتحانات میں او لیول اور اے لیول کے امتحانات بھی شامل ہیں۔ انکا کہنا تھا کہ امتحانات منسوخ کرنے کا فیصلہ طلباء اور والدین کے درمیان صحت سے متعلق پائی جانے والی تشویش کے باعث کیا گیا ہے۔ مزید برآں، جون میں صورتحال کا دوبارہ سے جائزہ لیا جائے گا اور اسی کے مطابق دوبارہ سے امتحانات لینے کا فیصلہ کیا جائے گا۔
پریس کانفرنس کے بعد شفقت محمود کی جانب سے کیے جانے والے متعدد ٹویٹس میں واضح کیا گیا کہ "کیمرج کے تمام امتحانات اکتوبر یا نومبر تک منسوخ کیے گئے ہیں۔ سوائے اے 2 کے امتحانات کے کیونکہ اے 2 میں پڑھنے والے طلباء کے لیے ابھی امتحانات دینا ضروری ہے”۔
شفقت محمود کی جانب سے مزید بتایا گیا کہ اے 2 کے امتحانات کو محفوظ بنانے کے لیے تمام تر اقدامات کیے جائیں گے ۔ طلباء کی صحت کی حفاظت کو یقینی بنانے کے لیے سخت حفاظتی اقدامات اٹھائے جائیں گے اور ایک سنٹر میں صرف 50 طباء کے بیٹھنے کی اجازت ہوگی۔
University admissions in Pakistan will be aligned for class 12 and A2 who will be taking exams in Oct/Nov. This is to ensure no one loses a year. For A2 who have some compulsion to take exams now, every attempt will be made to provide safe venues. Not more than 50 students
— Shafqat Mahmood (@Shafqat_Mahmood) April 27, 2021
Source: Khaleej Times