پاکستانی خبریں

ہر طرف شور مچ رہا ہے کہ الیکشن کراو لیکن خود اپنی پارٹی میں انتخابات نہیں کرارہے،الیکشن کمیشن کا پی ٹی آئی انٹراپارٹی الیکشن کیس میں ریمارکس

خلیج اردو
اسلام آباد:پی ٹی آئی کو بلے کا نشان برقرار رہے گا یا نہیں ، الیکشن کمیشن نے پاکستان تحریک انصاف کے انٹرا پارٹی انتخابات کیس سے متعلق فیصلہ محفوظ کرلیا۔

الیکشن کمیشن نے پی ٹی آئی وکلا کی جانب سے دلائل کےلئے مزید وقت دینے کی استدعا مسترد کرتے ہوئے کہاکہ کورونا کے باعث پی ٹی آئی کو انٹرا پارٹی الیکشن کرانے کیلئے ایک سال کا وقت دیا۔

ممبرنثاردرانی کی سربراہی میں چار رکنی بنچ نے تحریک انصاف انٹرا پارٹی انتخابات سے متعلق کیس کی سماعت کی ، پی ٹی آئی کے وکیل بیرسٹرگوہرنے پیش ہوکر بیرسٹرعلی ظفر کے عدالت میں مصروفیت کا بتایا ، وقفے کے بعد دوبارہ سماعت ہوئی تو بیرسٹر گوہر نے دلائل دیتے ہوئے موقف اپنایاکہ ہائیکورٹ نے انتخابات کیلئے ایک سال کا وقت دیا ہے

ڈپٹی ڈائریکٹر الیکشن کمیشن صائمہ جنجوعہ نے موقف اپنایاکہ الیکشن کمیشن کا اختیارہے پی ٹی آئی کو انٹرپارٹی الیکشن کیس میں درگرز کرے دے ، بیرسٹرگوہر نے بھی درگرز کرنے کی استدعا کو دہرایا۔

وکیل نے دلائل کےلئے مزید وقت دینے کی استدعا کی جسے الیکشن کمیشن نے مسترد کرتے ہوئے کہا کہ دلائل کیلئے متعدد مواقع دیے، پی ٹی آئی کے وکیل دلائل کیلئے آج بھی پیش نہیں ہوئے، کورونا کے باعث پی ٹی آئی کو انٹرا پارٹی الیکشن کرانے کیلئے ایک سال کا وقت دیا۔

ممبر کمیشن نے کہاکہ ہم پی ٹی آئی انٹرا پارٹی الیکشن کیس میں آرڈرکر دیتے ہیں۔ کمشن نے دلائل مکمل ہونے پر فیصلہ محفوظ کرلیا۔

متعلقہ مضامین / خبریں

Back to top button