خلیج اردو
اسلام آباد:اسلام آباد ہائیکورٹ نے ڈپٹی کمشنر اسلام آباد کے وارنٹ گرفتاری جاری کردیئے،،، عدالت نے قرار دیا کہ عرفان نواز میمن نے شہریار آفریدی کیخلاف ایم پی او جاری کرتے اختیارات سے تجاوز کیا۔
چاروں صوبوں اور اسلام آباد کے آئی جی پولیس ڈپٹی کمشنر کو گرفتار کرکے کل صبح 9 بجت تک پیش کریں،،عدالت نے ڈی سی اسلام آباد کا نام ای سی ایل پر ڈالنے کا حکم دیتے ہوئے ہدایت کی کہ سیکرٹری داخلہ اور ڈی جی پاسپورٹس ، ڈی سی اسلام آباد کا نام ای سی ایل پر ڈالنا یقینی بنائیں۔
شہریار آفریدی کیس میں ڈی سی اسلام آباد کے خلاف توہین عدالت کیس ، اسلام آباد ہائیکورٹ نے ڈی سی اسلام آباد کو کل صبح 9 بجے گرفتار کر کے پیش کرنے کا تحریری حکم نامہ جاری کردیا۔
حکم نامے کے مطابق آئی جی اسلام آباد دوسروں صوبوں کے ساتھ مل کر وارنٹ گرفتاری پر عمل کرائیں ، عدالت نے ڈی سی اسلام آباد کا نام ای سی ایل میں شامل کرنے کی ہدایت کرتے ہوئے حکم دیا کہ ائیرپورٹ ، سی پورٹ یا بارڈر کراسنگ پر ڈی سی اسلام آباد نظر آئے تو گرفتار کرکے پیش کریں ،
جسٹس بابر ستار کی جانب سے جاری 4 صفحات کے فیصلے کے مطابق استثنی کی درخواست منظور نا ہونے کے باوجود آج عدالت پیش نا ہو کر ڈی سی نے بادی النظر میں توہین عدالت کی۔۔انصاف کے نظام میں رکاوٹ بننے پر کیوں نا ڈی سی اسلام آباد کے خلاف کاروائی کی جائے۔اس سے قبل جسٹس بابر ستار نے اسلام آباد ہائیکورٹ میں عدالتی حکم عدولی پر ڈی سی اسلام آباد اور ایس ایس پی آپریشنز کے خلاف توہین عدالت کیس کی سماعت کی۔
دوران سماعت وکیل راجہ رضوان عباسی نے بتایا کہ ڈی سی اسلام آباد نے عمرہ پر جانا ہے ، ان کی والدہ کے مطابق عرفان نواز میمن خیر پور میں ہیں ،،، جسٹس بابر ستار نے کہا کہ گزشتہ روز عدالت نے عرفان نواز میمن کی درخواست منظور نہیں کی تھی ، ،، عدالت نے ڈی سی اسلام آباد کی آج حاضری سے استثنی کی درخواست مسترد کرتے ہوئے وارنٹ گرفتار جاری کردیئے، کیس کی سماعت ملتوی کر دی۔
