ملک بھر میں طوفانی بارشوں کا ہائی الرٹ: سیلاب اور ژالہ باری کے خطرے نے خطرے کی گھنٹی بجا دی، اسلام آباد میں گرج چمک کا راج

خلیج اردو
پاکستان بھر میں موسمیاتی نظام نے خطرناک رخ اختیار کر لیا ہے، جہاں طوفانی بارشوں، سیلاب اور ژالہ باری کے شدید خدشے کے پیشِ نظر ملک گیر الرٹ جاری کر دیا گیا ہے۔ وفاقی دارالحکومت اسلام آباد اور گردونواح میں بادلوں نے ڈیرے ڈال لیے ہیں، جہاں گرج چمک کے ساتھ موسلا دھار بارش نے موسم کو بدل کر رکھ دیا ہے۔ محکمہ موسمیات نے اگلے 24 گھنٹوں کے دوران مزید بارشوں اور ژالہ باری کی سنگین پیشگوئی کر دی ہے۔

این ڈی ایم اے (NDMA) کا ہنگامی انتباہ: نیشنل ڈیزاسٹر مینجمنٹ اتھارٹی نے چاروں صوبوں کے لیے ہائی الرٹ جاری کرتے ہوئے کہا ہے کہ مختلف علاقوں میں شدید ژالہ باری ہو سکتی ہے جو فصلوں اور املاک کے لیے نقصان دہ ثابت ہو سکتی ہے۔

ممکنہ سیلابی صورتحال کے شکار علاقے:

• بلوچستان: تربت، کیچ، گوادر، خضدار، ژوب اور لسبیلہ میں سیلابی ریلوں کا شدید خدشہ ہے، جس سے مقامی آبادی کو محتاط رہنے کی ہدایت کی گئی ہے۔

  متعلقہ مضامین / خبریں

  • 
    پاکستان بحریہ کا مقامی طور پر تیار کردہ جہاز سے داغا جانے والا اینٹی شپ میزائل کامیابی سے تجربہ، ہدف کو درست نشانہ بنایا گیا

    6 دن پہلے

• خیبرپختونخوا: ڈیرہ اسماعیل خان، بنوں، پاراچنار، پشاور، مردان اور صوابی میں بھی ممکنہ سیلابی صورتحال کا انتباہ جاری کیا گیا ہے۔

• پنجاب و اسلام آباد: اسلام آباد، راولپنڈی، اٹک اور چکوال کے نشیبی علاقوں میں پانی جمع ہونے اور شہری سیلاب (Urban Flooding) جیسی کیفیت پیدا ہونے کا خطرہ ہے۔

برفباری اور پہاڑی علاقے: گلگت بلتستان، آزاد کشمیر اور خیبرپختونخوا کے بالائی علاقوں میں بارش کے ساتھ ساتھ برفباری متوقع ہے، جس کے باعث لینڈ سلائیڈنگ کا خطرہ بھی بڑھ گیا ہے۔ سیاحوں اور مسافروں کو پہاڑی علاقوں کا رخ کرنے سے پہلے موسمی حالات کا جائزہ لینے کی تاکید کی گئی ہے۔

حکام نے تمام اداروں کو الرٹ رہنے اور عوام کو غیر ضروری سفر سے گریز کرنے کی اپیل کی ہے تاکہ کسی بھی ناگہانی صورتحال سے نمٹا جا سکے۔