وزیر اعلیٰ خیبر پختونخوا سہیل آفریدی سے امریکی قونصل جنرل کی اہم ملاقات،انسداد دہشتگردی اور معدنیات سے متعلق گفتگو

خلیج اردو
پشاور: وزیر اعلیٰ خیبر پختونخوا سہیل آفریدی سے امریکی قونصل جنرل تھامس ایکرٹ نے وزیر اعلی ہاؤس پشاور میں اہم ملاقات کی، جس میں تجارت، سرمایہ کاری، معدنیات، توانائی اور سکیورٹی تعاون سے متعلق تفصیلی گفتگو ہوئی۔ ملاقات میں امریکہ کی جانب سے انسدادِ دہشت گردی اور انسدادِ منشیات کے شعبوں میں معاونت پر بھی تبادلہ خیال کیا گیا۔

امریکی قونصل جنرل تھامس ایکرٹ نے کہا کہ تجارتی سفارتکاری امریکی خارجہ پالیسی کا بنیادی ستون ہے اور اقتصادی سفارتکاری کے فروغ سے علاقائی امن و استحکام کو تقویت ملے گی۔ انہوں نے معدنیات اور توانائی کے شعبوں میں شراکت داری کو تجارتی و اقتصادی تعاون کے لیے اہم قرار دیا۔

وزیر اعلیٰ سہیل آفریدی نے کہا کہ صوبائی حکومت کے ہر فیصلے میں عوامی مفاد کو مرکزی حیثیت حاصل ہے۔ انہوں نے بتایا کہ خیبر پختونخوا منرلز ایکٹ کے تحت مقامی آبادی کو سرمایہ کاری میں اولین ترجیح دی گئی ہے اور ایسی نجی سرمایہ کاری کی مکمل حوصلہ افزائی کی جائے گی جو مقامی آبادی کو براہ راست فائدہ پہنچائے۔

U.S. Consul General Tom Eckert met with KP Chief Minister Muhammad Sohail Afridi on December 1 to discuss potential U.S. support for KP’s efforts to counter transnational crime and terrorism, and to explore ways they can work together to deepen bilateral cooperation and build… pic.twitter.com/MlFuPLphLp

متعلقہ مضامین / خبریں

• 
  پاکستان بحریہ کا مقامی طور پر تیار کردہ جہاز سے داغا جانے والا اینٹی شپ میزائل کامیابی سے تجربہ، ہدف کو درست نشانہ بنایا گیا

  4 دن پہلے

— U.S. Consulate Peshawar (@USCGPeshawar) December 2, 2025

سہیل آفریدی نے مزید کہا کہ صوبائی حکومت سستی اور صاف توانائی کے حصول کے لیے چھوٹے پن بجلی گھروں اور ڈیموں پر کام کر رہی ہے۔ انہوں نے بتایا کہ ضم شدہ اضلاع میں موجود نایاب معدنی ذخائر سے مقامی آبادی کو براہ راست فائدہ پہنچانے کے لیے جامع حکمت عملی تیار کی گئی ہے۔

اجلاس میں عالمی تجارت کے فروغ کے لیے بزنس اینڈ انویسٹمنٹ روڈ شو کے انعقاد کی تجویز پر بھی غور کیا گیا، جبکہ قیمتی اور نایاب معدنیات کے لیز ہولڈرز کو اس روڈ شو میں مدعو کرنے کی تجویز پر بھی تفصیل سے تبادلہ خیال کیا گیا۔