خلیج اردو
بنگلہ دیشی نوجوان کاروباری شخصیت محمد شکیب الدین کو متحدہ عرب امارات کی حکومت کی جانب سے ان کی نمایاں کاروباری کامیابیوں اور خدمات کے اعتراف میں اعزازی گولڈن ویزا جاری کر دیا گیا ہے۔ شکیب الدین طویل عرصے سے دبئی میں عالمی تجارت اور رئیل اسٹیٹ کے شعبے سے وابستہ ہیں اور ان کا کاروبار مسلسل ترقی کر رہا ہے۔
دبئی حکومت نے شکیب الدین کو یہ طویل المدتی رہائشی ویزا ان کی کاروباری صلاحیتوں، سرمایہ کاری، مالی شراکت اور مستقل معاشی سرگرمیوں کو مدنظر رکھتے ہوئے دیا۔ گولڈن ویزا کے تحت حامل افراد کو پانچ سے دس سال تک متحدہ عرب امارات میں رہائش، کام اور سرمایہ کاری کی سہولت حاصل ہوتی ہے۔
شکیب الدین کا کاروبار امارات میں تیزی سے فروغ پایا ہے، جس کے ذریعے انہوں نے مقامی اور بین الاقوامی سطح پر مضبوط کاروباری روابط قائم کیے۔ ان کے کاروبار کے ذریعے بنگلہ دیش کو نمایاں ترسیلات زر بھی موصول ہو رہی ہیں، جو ملکی معیشت کے لیے سودمند ثابت ہو رہی ہیں۔
کاروباری سرگرمیوں کے ساتھ ساتھ شکیب الدین نے اپنی تنظیم میں متعدد بنگلہ دیشی کارکنوں کو روزگار کے مواقع فراہم کیے ہیں، جس سے بیرونِ ملک مقیم بنگلہ دیشیوں میں روزگار اور مہارتوں کے فروغ پر مثبت اثر پڑا ہے۔ دبئی میں طویل شہرت اور کامیابی کی بنیاد پر ملنے والا یہ گولڈن ویزا نہ صرف شکیب الدین کی ذاتی کامیابی بلکہ تارکینِ وطن بنگلہ دیشیوں کے لیے بھی باعثِ فخر قرار دیا جا رہا ہے۔
