خلیج اردو
دبئی کے القوز انڈسٹریل ایریا ون میں منگل کی شام اون پیسیو میٹرو اسٹیشن کے پیچھے ایک معمولی نوعیت کی آگ بھڑک اٹھی۔ واقعے کی اطلاع ملتے ہی دبئی سول ڈیفنس کی ٹیمیں فوراً موقع پر پہنچیں اور آگ پر قابو پا لیا۔ حکام کے مطابق فائر فائٹرز کی بروقت کارروائی کے باعث صورتحال مکمل طور پر قابو میں رہی۔
ٹریفک پولیس کے مطابق آگ لگنے کے باعث ٹریفک کی روانی متاثر نہیں ہوئی، صرف اندرونی سڑک کے ایک محدود حصے کو احتیاطی طور پر عارضی طور پر بند کیا گیا تاکہ امدادی ٹیمیں باآسانی کام کر سکیں۔
حکام نے ایک بار پھر شہریوں کو ہدایت کی ہے کہ کسی بھی حادثے یا ہنگامی صورتحال کے دوران تصاویر یا ویڈیوز بنانے سے گریز کریں اور سڑک پر سست روی اختیار کر کے ٹریفک میں رکاوٹ نہ ڈالیں، کیونکہ اس سے امدادی کارروائیوں میں تاخیر ہو سکتی ہے۔
