خلیج اردو
26 ستمبر 2020
کراچی: پاکستان پیپلزپارٹی کے چیئرمین بلاول بھٹو زرداری نے کہا ہے کہ قومی اسمبلی کے اسپیکر اور وفاقی وزراء کا گلگت بلتستان میں انتخابات سے کوئی لینا دینا نہیں۔
اپنے ٹویٹر پیغام میں چیئرمین بلاول بھٹو زرداری کا کہنا ہے کہ ہم گلگت بلتستان کے انتخابات میں وفاقی حکومت کی مداخلت کی مذمت کرتے ہیں،۔شفاف انتخابات کے مطالبات کے حوالے سے میری پارٹی صرف گلگت بلتستان کے الیکشن کمیشن سے رابطے میں رہے گی۔
The Speaker National Assembly & Federal ministers have nothing to do with elections in GB. We condemn the interference of federal government in the elections. My party will only be engageing with the Election Commission GB on our demands for fair elections. #gbkafaisla_gbwalonka
— BilawalBhuttoZardari (@BBhuttoZardari) September 26, 2020
گزشتہ روز گلگت بلتستان میں الیکشن کے معاملے پر اسپیکر اسد قیصر اور وفاقی وزیر علی امین گنڈاپور نے حکومتی اور اپوزیشن رہنماؤں کو خطوط لکھ کر گلگت بلتستان میں الیکشن سے متعلق تجاویز مانگی تھیں۔ بلاول بھٹو کا یہ بیان ممکنہ طور پر اس کا ردعمل ہو سکتا ہے۔
دوسری طرف پاکستان کے میڈیا رپورٹس میں گلگت بلتستان کی آئنینی حیثیت بدلنے کے حوالے سے ذکر ہورہا ہے۔
اس حوالے سے پاکستان کی مسلح افواج کی اعلی قیادت نے پارلیمانی سیاسی جماعتوں کے قائدین سے ایک ملاقات بھی کی تھی جس میں وزیر اعظم عمران خان کی عدم شرکت پر بعض حلقوں کی جانب سے تنقید کی جارہی ہے۔
Source : Khaleej Urdu
