خلیج اردو
واشنگٹن، 16 جولائی 2025
بحرین نے امریکا میں 17 ارب ڈالر کی براہِ راست سرمایہ کاری کا اعلان کیا ہے، جس کا مقصد دفاع، ٹیکنالوجی، توانائی اور صنعتی شعبوں میں اشتراک کو فروغ دینا ہے۔ اس اہم پیش رفت کا اعلان بحرین کے ولی عہد شہزادہ سلمان بن حمد الخلیفہ اور سابق امریکی صدر ڈونلڈ ٹرمپ کے درمیان ملاقات کے بعد کیا گیا۔
امریکی حکام کے مطابق، بحرینی سرمایہ کاری سے امریکا میں 30 ہزار سے زائد ملازمتیں پیدا ہوں گی۔ اس موقع پر بحرین نے امریکا کی بڑی ٹیکنالوجی کمپنیوں بوئنگ، اوریکل اور سیسکو کے ساتھ تعاون کے معاہدے کیے۔ بحرین آئندہ مہینوں میں اپنے سسٹمز سے چینی ساختہ سرورز ہٹا کر سیسکو کی مصنوعات نصب کرے گا، جبکہ اوریکل کے ساتھ ڈیٹا سیکیورٹی اور انفراسٹرکچر کے میدان میں شراکت داری کی جائے گی۔
بحرینی حکومت نے اعلان کیا ہے کہ وہ جدید امریکی کمپنیوں سے AI چپس، ایلومینیم پروڈکشن ٹیکنالوجی اور ایک این جی (LNG) سے متعلق مصنوعات کی بھی بڑے پیمانے پر خریداری کرے گی۔
دونوں ممالک کے درمیان تجارتی جوہری تعاون کے لیے فریم ورک ایم او یو بھی طے پایا ہے، جس کے تحت پرامن نیوکلیئر ٹیکنالوجی میں تعاون کے امکانات پر بات چیت جاری رہے گی۔
ایک اہم اعلان میں بحرینی ولی عہد نے واضح کیا کہ ان کا ملک یوکرین کو پیٹریاٹ میزائل فراہم نہیں کرے گا، انہوں نے کہا کہ بحرین موجودہ تنازعات میں فریق نہیں بنے گا بلکہ علاقائی استحکام کے لیے اپنی توانائیاں صرف کرے گا۔
