خلیج اردو
اقوام متحدہ میں ایران کے سفیر امیر سید ایروانی نے سلامتی کونسل میں جنگ بندی کی قرارداد ویٹو کرنے پر شدید ردعمل ظاہر کیا اور کہا کہ اس اقدام سے سلامتی کونسل کی ساکھ کو شدید نقصان پہنچا ہے۔
ایروانی نے کہا کہ امریکہ اور اسرائیل نے ایران پر جارحانہ حملے کیے ہیں اور ان حملوں کو فوری طور پر بند کیا جانا چاہیے۔ انہوں نے زور دیا کہ ایران اقوام متحدہ کے چارٹر کے تحت اپنے دفاع کا حق محفوظ رکھتا ہے اور کسی بھی جارحیت کے جواب میں اپنے عوام اور سرزمین کی حفاظت کرے گا۔
سفیر ایران کے مطابق سلامتی کونسل میں سیاسی مفادات کو اقوام متحدہ کے اصولوں اور چارٹر پر فوقیت دینا عالمی امن کے لیے خطرہ ہے اور ایسے اقدامات خطے میں کشیدگی بڑھانے کا باعث بنتے ہیں۔
تجزیہ کاروں کے مطابق ایران کا یہ موقف بین الاقوامی سطح پر امریکی اور اسرائیلی اقدامات کے خلاف مؤثر سیاسی پیغام بھیجتا ہے اور اقوام متحدہ میں ایران کے موقف کو واضح کرنے کی کوشش ہے۔
