کراچی میں کالعدم ٹی ٹی پی کے دہشتگردوں کا بڑا نیٹ ورک بے نقاب۔سکیورٹی فورسز اورقانون نافذ کرنے والے اداروں کی بڑی کا میابی۔۔ اہم دہشتگرد کمانڈرز سمیت 17دہشتگرد گرفتار۔ یہ کراچی میں دہشتگردانہ کارروائیوں کی منصوبہ بندی کر رہے تھے۔
انٹیلی جنس ایجنسیزنے بروقت کارروائی کرتے ہوئے ان کی دہشتگردوں کے عزائم کو ناکام بناتے ہوئے کراچی سے گرفتار کرلیا۔۔یہ دہشتگرد ٹارگٹ کلنگ اور بھتہ وصولی جیسے سنگین جرائم میں قانون نافذ کرنے والے اداروں کو مطلوب تھے۔ان دہشتگردوں کو افغانستان سے کالعدم ٹی ٹی پی کی قیادت کی سرپرستی میں مدرسہ طالب علم کے روپ میں منظم کیا گیا تھا۔
جو مختلف حملوں میں ملوث تھے۔ یہ دہشت گرد کراچی میں فرقہ وارانہ،نسلی،سیاستدانوں کی ٹارگٹ کلنگ اورقانون نافذ کرنے والے اداروں پر حملوں میں بھی ملوث تھے۔یہ نیٹ ورک افغانستان میں کالعدم ٹی ٹی پی کی اعلیٰ قیادت کے لیے بھتہ خوری کی سرگرمیوں
اور اغواء برائے تاوان کے ذریعے فنڈز اکھٹا کرتا تھا۔
اس نیٹ ورک نے مدرسے میں خودکش بمباروں کو بھی پناہ دی تھی جنہیں افغانستان سے کراچی اور ملک کے دیگر حصوں میں دہشتگردی کی مختلف سرگرمیوں میں استعمال ہونا تھا
سکیورٹی فورسز اور قانون نافذ کرنے والے اداراے پاکستانی عوام کی مکمل حمایت سے دہشت گردوں کے مذموم عزائم کو خاک میں ملانے کے لئے پر عزم ہیں۔
