خلیج اردو
کراچی: کسٹمز انفورسمنٹ کلکٹریٹ کراچی نے ایک اہم کارروائی کے دوران گدھوں کی کھال بیرون ملک سمگل کرنے کی کوشش کو ناکام بنادیا۔
تفصیلات کے مطابق، کسٹم حکام نے کلکٹریٹ آف کسٹمز ایکسپورٹ کے گرین چینل سے کلیئر شدہ کنٹینر کو چیک کیا، جس میں برآمدی دستاویزات کے مطابق چمڑے کی مصنوعات کے 285 پیکجز دکھائے گئے تھے۔ تاہم، جب حکام نے کنٹینر کی مزید جانچ پڑتال کی تو اس میں چمڑے کی مصنوعات کے علاوہ 14 ہزار کلو گرام گدھوں کی کھالیں برآمد ہوئیں، جو کہ غیر قانونی طور پر بیرون ملک بھیجی جارہی تھیں۔ کسٹم حکام نے فوری طور پر ان کھالوں کو اپنی تحویل میں لے کر ضبط کرلیا۔
یہ کارروائی کسٹمز حکام کی تفتیشی صلاحیتوں اور اسمگلنگ کے خلاف ان کے مؤثر اقدامات کو ظاہر کرتی ہے۔
