جمہوری روایات کے فروغ سے ملک میں استحکام ممکن ہے: رانا ثناء اللہ

خلیج اردو
اسلام آباد: وفاقی وزیر رانا ثناء اللہ نے آسٹریلوی ہائی کمشنر سے ملاقات میں کہا کہ جمہوری روایات کے فروغ سے ملک میں استحکام ممکن ہے، جبکہ سیاسی استحکام اور ترقی لازم و ملزوم ہیں۔

رانا ثناء اللہ نے کہا کہ پاکستان خطے میں امن و استحکام کے لیے کلیدی کردار ادا کر رہا ہے۔ ان کا کہنا تھا کہ مضبوط معیشت اور بہتر خارجہ تعلقات کے بغیر ترقی ممکن نہیں، جبکہ پاکستانی ادارے دہشت گردی کے مکمل خاتمے کے لیے پرعزم ہیں۔

ملاقات میں پاکستان اور آسٹریلیا کے تعلقات پر تبادلہ خیال کیا گیا اور باہمی تعاون بڑھانے کے عزم کا اظہار کیا گیا۔