خلیج اردو
ہفتے کے آغاز پر متحدہ عرب امارات میں بعض علاقوں میں بارش ہونے کا امکان ظاہر کیا گیا ہے۔ نیشنل سینٹر آف میٹرولوجی (این سی ایم) کے مطابق موسم جزوی طور پر ابر آلود رہے گا جبکہ مغربی علاقوں میں کہیں کہیں بادل زیادہ ہوں گے۔
رات اور منگل کی صبح کے دوران کچھ داخلی علاقوں میں نمی بڑھنے اور دھند بننے کا بھی امکان ہے۔
ہوائیں جنوب مشرقی سے شمال مشرقی سمت میں ہلکی سے معتدل رفتار کے ساتھ چلیں گی، جن کی رفتار 10 سے 25 کلومیٹر فی گھنٹہ جبکہ جھکڑ کے دوران 35 کلومیٹر فی گھنٹہ تک ہو سکتی ہے۔
بحیرۂ عرب اور بحیرۂ عمان میں سمندر کی صورتحال معمولی رہے گی۔
درجہ حرارت میں نمایاں کمی متوقع ہے، دبئی میں کم سے کم درجہ حرارت 18 ڈگری سنٹی گریڈ، شارجہ میں 17 ڈگری جبکہ ابوظبی میں 20 ڈگری تک جانے کا امکان ہے۔
