دبئی: فلپائن کے داؤاو اوریئنٹل کے ساحل کے قریب بدھ کی صبح ایک شدید زلزلے کے جھٹکے ریکارڈ کیے گئے، جس کی شدت 6.7 ریکٹر تھی۔ اس زلزلے کے جھٹکے مینڈاناو کے مختلف حصوں میں محسوس کیے گئے، جس کی تصدیق فلپائن انسٹی ٹیوٹ آف والکینولوجی اینڈ سیزمولوجی (Phivolcs) نے کی۔
Phivolcs کے مطابق، یہ ٹیکٹونک زلزلہ صبح 11:02 بجے مقامی وقت کے مطابق آیا، اور اس کا مرکز منے میونسپلٹی سے تقریباً 47 کلومیٹر جنوب-جنوب مشرق میں واقع تھا۔ زلزلے کی گہرائی 42 کلومیٹر ریکارڈ کی گئی۔
مقامی محکمے کے مطابق داؤاو سٹی میں جھٹکے شدت II کے درجے کے تھے، جبکہ مالنگون، سارنگانی میں انٹرومنٹل شدت IV ریکارڈ کی گئی۔
Phivolcs نے عوام سے کہا ہے کہ وہ محتاط رہیں کیونکہ اس زلزلے کے بعد مزید چھوٹے جھٹکے (Aftershocks) متوقع ہیں۔ اگرچہ زلزلے کی شدت کے پیش نظر نقصان کے امکانات ہیں، مقامی ڈیزاسٹر رسک ریڈکشن اور مینجمنٹ دفاتر ساحلی اور شہری انفراسٹرکچر کے جائزے کے لیے سرگرم ہیں تاکہ کسی بھی ممکنہ نقصان کا فوری اندازہ لگایا جا سکے۔
