خلیج اردو
لندن:لندن کا ہیتھرو ایئرپورٹ 16 گھنٹے سے زائد کی بندش کے بعد محدود پروازوں کے لیے دوبارہ کھول دیا گیا۔ یہ بندش نارتھ ہائیڈ پاور سب سٹیشن میں لگنے والی آگ کے باعث ہوئی، جس کے نتیجے میں ایئرپورٹ کو بجلی کی فراہمی منقطع ہو گئی تھی۔
پولیس نے واضح کیا کہ پاور سٹیشن میں لگنے والی آگ دہشت گردی کا واقعہ نہیں تھی۔ تاہم، اس حادثے کے سبب ہیتھرو ایئرپورٹ کی بندش کے دوران ایک ہزار تین سو سے زائد پروازیں منسوخ ہو گئیں، جس کے باعث لاکھوں مسافر متاثر ہوئے۔
ایئرپورٹ انتظامیہ کا کہنا ہے کہ ایئرپورٹ پر سروسز اور فلائٹ آپریشن کل سے مکمل طور پر بحال ہونے کی توقع ہے۔
