خلیج اردو
تہران، 22 جولائی
ایران نے یورینیم کی افزودگی کا عمل بند نہ کرنے کا اعلان کرتے ہوئے واضح کیا ہے کہ حالیہ امریکی حملوں میں جوہری تنصیبات کو سنگین نقصان پہنچا ہے، تاہم افزودگی کا عمل ترک نہیں کیا جائے گا۔ ایرانی وزیر خارجہ عباس عراقچی نے اپنے بیان میں کہا کہ ایران اپنی قومی سلامتی اور سائنسی خودمختاری پر کوئی سمجھوتہ نہیں کرے گا۔
انہوں نے بتایا کہ ایٹمی توانائی کی ایرانی تنظیم اس وقت اس نقصان کا تفصیلی جائزہ لے رہی ہے کہ جوہری یا افزودہ مواد کو اصل میں کتنا نقصان پہنچا ہے۔ عراقچی نے کہا کہ جوہری پروگرام پر پیش رفت جاری رہے گی اور ایران کسی بیرونی دباؤ کے آگے نہیں جھکے گا۔
