
خلیج اردو
اسلام آباد: وفاقی حکومت نے شوگر ملز مالکان کی درخواست پر چینی برآمد کرنے کی اجازت دے دی ۔ ذرائع کے مطابق پہلے مرحلے میں ڈیڑھ لاکھ میٹرک ٹن چینی کی برآمد کی اجازت دی گئی
ذرائع کے مطابق چینی کی برآمد کے لیے سمری جلد ای سی سی میں پیش کرنے کا فیصلہ کیا گیا ہے، مزید چینی کی برآمد کا فیصلہ مارکیٹ میں چینی کی قیمتوں کو مد نظر رکھ کر کیا جائے گا۔ چینی کی ایکس مل قیمتیں 140 روپے فی کلو سے اوپر نہیں جانے دی جائیں گی۔
ذرائع بتاتے ہیں کہ ایکسپورٹ کے ساتھ حکومت اور پاکستان شوگر ملز ایسوسی ایشن کے درمیان معاہدہ ہوگا اور مارکیٹ میں چینی کے نرخ بڑھنے نہیں دیے جائیں گے۔اس سے قبل شوگر ملز مالکان نے 15 لاکھ میٹرک ٹن چینی کی برآمد کا مطالبہ کیا تھا اورپہلے مرحلے میں 5 لاکھ ٹن چینی کی برآمد کے لیے اجازت مانگی تھی۔