خلیج اردو
واشنگٹن: امریکی سینیٹر مارک روبیو نے بھارت اور پاکستان کے درمیان جاری کشیدگی پر ردعمل دیتے ہوئے کہا ہے کہ وہ دونوں ممالک کی صورتحال کو قریبی طور پر مانیٹر کر رہے ہیں۔ انہوں نے صدرِ امریکہ کے اس بیان کی تائید کی جس میں امید ظاہر کی گئی تھی کہ یہ معاملہ جلد از جلد ختم ہو جائے گا۔
مارک روبیو نے کہا کہ وہ بھارتی اور پاکستانی قیادت کے ساتھ رابطے میں رہیں گے تاکہ کسی پرامن حل کی جانب پیش رفت ہو سکے۔ ان کا کہنا تھا کہ خطے میں استحکام اور امن کے لیے دونوں ممالک کے درمیان سفارتی کوششیں ناگزیر ہیں۔
امریکی سینیٹر کا یہ بیان ایسے وقت سامنے آیا ہے جب دونوں ہمسایہ ایٹمی طاقتوں کے درمیان کشیدگی میں اضافہ دیکھنے میں آ رہا ہے، اور عالمی برادری دونوں ممالک سے تحمل اور مذاکرات پر زور دے رہی ہے۔
