خلیج اردو
قومی کرکٹر محمد نواز نے ڈوپ ٹیسٹ مثبت آنے کے بعد اپنا تحریری موقف انٹرنیشنل کرکٹ کونسل کو جمع کرا دیا ہے۔
ذرائع کے مطابق ڈوپ ٹیسٹ رپورٹ سامنے آنے کے بعد آئی سی سی کی جانب سے اس معاملے کی باقاعدہ انکوائری جاری ہے۔
یہ ٹیسٹ آئی سی سی مینز ٹی20 ورلڈ کپ کے دوران لیا گیا تھا جس میں مبینہ طور پر ممنوعہ مادہ پایا گیا۔
ذرائع کا کہنا ہے کہ محمد نواز کی جانب سے جمع کرایا گیا موقف اب انکوائری کا حصہ بنایا گیا ہے اور اس کا تفصیلی جائزہ لیا جا رہا ہے۔
آئی سی سی اینٹی ڈوپنگ قوانین کے تحت کیس کی مکمل جانچ کے بعد ہی حتمی فیصلہ کیا جائے گا۔
اگر الزامات ثابت ہوئے تو کھلاڑی کو پابندی یا دیگر تادیبی کارروائی کا سامنا کرنا پڑ سکتا ہے۔
تجزیہ کاروں کے مطابق یہ کیس بین الاقوامی کرکٹ میں اینٹی ڈوپنگ پالیسی کی سختی کو مزید نمایاں کرتا ہے۔
