ادریس البا اور پریانکا چوپڑا ابو ظبی میں برج سمٹ میں شرکت کریں گے

خلیج اردو
ابوظبی: 8 سے 10 دسمبر 2025 تک ابو ظبی ایڈی نیک سینٹر میں میڈیا، مواد اور انٹرٹینمنٹ کا عالمی ایونٹ *برج سمٹ 2025* منعقد ہوگا، جس میں ہالی وڈ اسٹار ادریس البا، پریانکا چوپڑا جوناس اور معروف فٹبالر جیرارڈ پیکے سمیت دنیا بھر کی اہم شخصیات شرکت کریں گی۔ یہ ایونٹ تخلیقی مواد، جدید ٹیکنالوجی اور کاروباری مواقع کو ایک پلیٹ فارم پر اکٹھا کرے گا۔

برج سمٹ ایک عالمی پلیٹ فارم ہے جس میں کانفرنسز، نمائشیں، ثقافتی سرگرمیاں اور پروفیشنل نیٹ ورکنگ شامل ہوں گی۔ اس میں مواد تخلیق کرنے والے، میڈیا ماہرین، ٹیکنالوجی انوویٹرز، سرمایہ کار، ثقافتی ادارے اور پالیسی ساز شرکت کرکے مستقبل کی تخلیقی معیشت کی سمت کا تعین کریں گے۔

ایونٹ 1.65 ملین اسکوائر فٹ رقبے پر محیط ہوگا، جس میں 400 سے زائد عالمی مقررین، 300 سے زیادہ نمائش کنندگان شریک ہوں گے جبکہ دنیا بھر سے 60 ہزار سے زائد افراد کی شرکت متوقع ہے۔ تین دن کے دوران شرکاء سات بنیادی شعبوں پر مشتمل سیشنز تک رسائی حاصل کر سکیں گے جن میں میڈیا، کریئیٹر اکانومی، میوزک، گیمنگ، ٹیکنالوجی، مارکیٹنگ اور بصری کہانی گوئی شامل ہیں۔

سمٹ میں 300 سے زائد ایونٹس، 200 سے زائد پینل سیشنز اور 50 سے زائد ورکشاپس منعقد ہوں گی جن میں مصنوعی ذہانت، کریئیٹر مونیٹائزیشن، میڈیا بزنس ماڈلز، گیمنگ اور امیرسو اسٹریٹیلنگ جیسے موضوعات زیرِ بحث آئیں گے۔ نمائشوں میں ایکس آر، گیمنگ، اسٹریمنگ پلیٹ فارمز، کریئیٹو ایجنسیاں، پروڈکشن ہاؤسز، اسٹارٹ اپس اور سرمایہ کار موجود ہوں گے۔

ایونٹ میں میڈیا پروفیشنلز، تخلیق کاروں، ٹیکنالوجی ماہرین، وی سی فرمز، ثقافتی اداروں، پالیسی سازوں اور نوجوان تخلیق کاروں سمیت وسیع نوعیت کی شرکت متوقع ہے۔ میڈیا نمائندگان پریس پاس کے ذریعے خصوصی بریفنگز، انٹرویو زونز اور میڈیا سینٹر تک رسائی حاصل کر سکیں گے۔

ایونٹ کی خاص باتوں میں ادریس البا، پریانکا چوپڑا جوناس، جیرارڈ پیکے اور دیگر عالمی شہرت یافتہ شخصیات کے خصوصی سیشن شامل ہیں۔ برج سمٹ کا مقصد میڈیا اور تخلیقی معیشت کو قومی حکمتِ عملی کا حصہ بناتے ہوئے متحدہ عرب امارات کو خطے میں تخلیقی مرکز کے طور پر مضبوط بنانا ہے۔

ایونٹ میں شرکت کے خواہشمند افراد برج کی آفیشل ویب سائٹ پر رجسٹریشن کر سکتے ہیں۔ عام شرکاء کے لیے مفت پاس میں تمام نمائشوں، 7 ٹریکس، 400 مقررین کے سیشنز اور نیٹ ورکنگ کے مواقع شامل ہیں۔ پرو پاس (450 درہم) میں ترجیحی نشستیں، تیز چیک ان اور خصوصی ریزرویشن سہولت شامل ہے جبکہ *برج پلس (VIP)* پاس (5 ہزار درہم) میں پریمیئر نیٹ ورکنگ، وی آئی پی نشستیں، خصوصی مراسم اور ڈائنر، مخصوص اسسٹنٹ، ویلے پارکنگ اور دیگر سہولیات فراہم کی جائیں گی۔

ایڈی نیک سینٹر میں پارکنگ ایریاز اور پبلک ٹرانسپورٹ کی مکمل سہولت دستیاب ہوگی۔ میڈیا نمائندگان کے لیے خصوصی پریس سہولیات، لائیو کوریج اور انٹرویو زون بھی قائم کیے جائیں گے۔