انگلینڈ کے علاقے کینٹ میں مقیم ایک 104 سالہ حاتون کورونا وائرس سے حیران کن طور پر صحتیاب ہو گئی ہے۔
گریس گرین وڈ نامی خاتون نے تقریباً تین ہفتوں تک اپنے گھر میں رہتے ہویے اس بیماری کا مقابلہ کیا اور اپنے بستر میں ہی رہیں کیونکہ انھیں سانس لینے میں دشواری تھی۔
لیکن زیادہ عمر کے باوجود انھیں ہسپتال جانے کی ضرورت نہیں پڑی اور وہ صحتیاب ہو چکی ہیں۔ ان کے خاندان کا کہنا ہے کہ ان میں اتنی ہمت اس لیے پیدا ہوئی ہے کیونکہ انھوں نے ماضی میں مشکلات کا سامنا کیا تھا۔
