خلیج اردو
سان فرانسسکو – ٹوئٹر کے شریک بانی جیک ڈورسی نے ایک نئی میسجنگ ایپ ’بٹ چیٹ‘ متعارف کرا دی ہے جو وٹس ایپ کو براہ راست چیلنج کرتی ہے۔ یہ ایپ اس لحاظ سے منفرد ہے کہ یہ بغیر وائی فائی یا موبائل نیٹ ورک کے بھی کام کر سکتی ہے۔
’بٹ چیٹ‘ بلوٹوتھ سگنل کے ذریعے کام کرتی ہے، یعنی یہ صارفین کو ایسے حالات میں بھی رابطے کی سہولت دیتی ہے جہاں موبائل سروس کمزور ہو یا مکمل طور پر بند ہو — مثلاً میوزک فیسٹیولز، قدرتی آفات، یا احتجاجی مظاہروں کے دوران۔
ماہرین کے مطابق یہ ایپ ان افراد کے لیے خاص طور پر مفید ہو سکتی ہے جو آزادی اظہار یا نجی رابطوں کے متبادل ذرائع تلاش کر رہے ہیں۔ جیک ڈورسی کی یہ پیش رفت ایک ایسے وقت میں سامنے آئی ہے جب دنیا بھر میں محفوظ اور متبادل کمیونی کیشن پلیٹ فارمز کی مانگ بڑھتی جا رہی ہے۔
