خلیج اردو
واشنگٹن:امریکہ نے اقوام متحدہ کے ذیلی ادارے یونیسکو سے علیحدگی اختیار کرنے کا اعلان کرتے ہوئے فلسطینی ریاست کو رکن تسلیم کیے جانے کو سخت متنازع اقدام قرار دیا ہے۔ امریکی حکام کا کہنا ہے کہ یونیسکو میں مسلسل شمولیت اب امریکہ کے قومی مفاد میں نہیں رہی۔
واشنگٹن کی جانب سے جاری بیان میں کہا گیا ہے کہ یونیسکو کا یہ فیصلہ سماجی اور ثقافتی تقسیم کو فروغ دیتا ہے اور اسرائیل کے خلاف بیانیے کو تقویت دیتا ہے۔ امریکی حکومت کے مطابق یونیسکو کے حالیہ اقدامات امریکی پالیسی سے متصادم ہیں، اس لیے ادارے سے علیحدگی کا فیصلہ کیا گیا ہے۔
واضح رہے کہ یونیسکو نے فلسطینی ریاست کو بطور رکن تسلیم کرنے کا اعلان کیا تھا، جس پر اسرائیل نے بھی سخت ردعمل ظاہر کیا تھا۔ امریکہ کی یونیسکو سے علیحدگی کا یہ اقدام مشرق وسطیٰ میں امن عمل پر ممکنہ اثرات مرتب کر سکتا ہے۔
